எச்எம்பி தீநுண்மி வைரஸ்: தமிழக-கர்நாடக எல்லையில் தீவிர சுகாதார கண்காணிப்பு

கர்நாடக மாநிலத்தில் எச்எம்பி தீநுண்மி நோய் பரவல் காரணமாக, தமிழக எல்லையில் உள்ள அந்தியூர் அருகே அமைந்துள்ள வரட்டுப்பள்ளம் வன சோதனைச் சாவடியில் கர்நாடகத்தில் இருந்து வருபவர்களுக்கு காய்ச்சல் பரிசோதனை மேற்கொள்ளும் பணி புதன்கிழமை முதல் தீவிரமாக தொடங்கப்பட்டுள்ளது. ஈரோடு மாவட்டத்தின் அந்தியூர் அருகே உள்ள பர்கூர் மலைப் பகுதி தமிழக-கர்நாடக எல்லையில் அமைந்துள்ளது.

எச்எம்பி தீநுண்மி பரவலைத் தடுக்கும் வகையில் தமிழக அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. அதன் ஒரு பகுதியாக, அந்தியூர் வட்டார அரசு ஆரம்ப சுகாதார நிலையத்தின் நடமாடும் மருத்துவக் குழு சார்பில் வரட்டுப்பள்ளம் வன சோதனைச் சாவடியில் சிறப்பு காய்ச்சல் தடுப்பு முகாம் அமைக்கப்பட்டுள்ளது.

இந்த சிறப்பு முகாமில் கர்நாடகத்தில் இருந்து வரும் அனைத்து பொதுமக்களும் கட்டாயம் பரிசோதனை செய்து கொள்ள வேண்டும். பரிசோதனையின் போது காய்ச்சல் அல்லது சளி பாதிப்பு கண்டறியப்பட்டால், உடனடியாக அவர்களின் ரத்த மாதிரிகள் சேகரிக்கப்பட்டு அரசு மருத்துவமனையின் ஆய்வகத்திற்கு அனுப்பப்படுகிறது.

மருத்துவ பரிசோதனைக்கு உட்படுத்தப்படும் அனைவரின் முகவரி மற்றும் தொடர்பு விவரங்களும் அந்தியூர் வட்டார அரசு ஆரம்ப சுகாதார நிலையத்தின் நடமாடும் மருத்துவக் குழுவால் முறையாக பதிவு செய்யப்படுகின்றன. இந்த கண்காணிப்பு நடவடிக்கைகள் மூலம் நோய் பரவலை கட்டுப்படுத்த முடியும் என சுகாதாரத்துறை அதிகாரிகள் நம்பிக்கை தெரிவித்துள்ளனர்.