திமுக தலைமையில் சமத்துவ பொங்கல் ஒருமைப்பாட்டின் புது வழி..!

சேந்தமங்கலம், ஜன. 17:

சேந்தமங்கலத்தில், திமுக சார்பில் சமத்துவ பொங்கல் விழா கொண்டாடப்பட்டது. இதில் பொன்னுசாமி எம்எல்ஏ கலந்துகொண்டு பொதுமக்களுக்கு பொங்கல் வழங்கினார்.

தினசரி மார்க்கெட்டில் நடைபெற்ற விழா

சேந்தமங்கலம் நகர திமுக சார்பில், சமத்துவ பொங்கல் விழா தினசரி மார்க்கெட்டில் கொண்டாடப்பட்டது. ஒன்றிய திமுக செயலாளர் அசோக்குமார் தலைமை வகித்தார். நகர திமுக செயலாளர் தனபாலன் முன்னிலை வகித்தார்.

மகளிர் பொங்கல் வைத்தனர்

பேரூர் துணை செயலாளர் தவமணி தலைமையில் ஏராளமான மகளிர் பொங்கல் வைத்தனர். விழாவில் மாவட்ட திமுக துணை செயலாளர் பொன்னுசாமி எம்எல்ஏ கலந்துகொண்டு பொங்கல் விழாவை தொடங்கி வைத்தார்.

பலர் கலந்து கொண்ட விழா

நிகழ்ச்சியில் பேரூர் துணை செயலாளர் கர்ணன், கிருஷ்ணகுமார், முன்னாள் பேரூராட்சி தலைவர் பெரியசாமி, முன்னாள் துணைத் தலைவர் சௌகார் பாஷா, சிறுபான்மை அணி அமைப்பாளர் சாம் சம்பத், அவைத்தலைவர் சிங்காரம், நிர்வாகிகள் மோகன், பெருமாள், முகமது ரபிக், குமாரசாமி உள்ளிட்ட பலர் கலந்து கொண்டனர்.